| تے فیر سوچ آئی ہُن تیرے نال ہوندا |
| جد شعر میں لخن بوّاں دیں خیال مینوں |
| کج کیمیا تری کج زلفاں دے مصرعے ہون |
| تد تیرے سنگ غالب تے میر نُوں پڑھاں میں |
| تشریح ہووے مشکل تے تیرے آسرے ہون |
| جس ویلے شعر لِخدا میں ایہہ خیال آندا |
| تے فیر سوچ آئی ہُن تیرے نال ہوندا |
| اک بندے دے وَلّوں ای ملیا سرور لوکو |
| گل سچ اے پیار کر کے ویکھو ضرور لوکو |
| سب نُوں مٹی ہو جانا کہڑا غرور لوکو |
| دل خوش ہوئے تے پُجّو رب دے حضور لوکو |
| جِلّے خوشی ملی رب نُوں پہلے شکر کہیا |
| تے فیر سوچ آئی ہُن تیرے نال ہوندا |
| جدُّوں گیا سی میں بڑیاں سلفیاں بنایاں |
| چھڈ دِتا ہُن میں پر لوکی شوق نال جاندے |
| اوسوہنیاں جَغَاں سَن تُد بِن کشش نہیں سی |
| فوٹو بناندے لوکی شیواں لے کے تے کھاندے |
| جد ایئر لفٹ تے اک چکر میں اُچّا لایا |
| تے فیر سوچ آئی ہُن تیرے نال ہوندا |
| اک واری میں گیا تولی پیر کی میں دَسّاں! |
| کوئی بڑا ہی اُچّا دندا سی کھُلّا میدان |
| چوٹی تے جا کے چلدا چلدا تے بہہ کے سوچاں |
| تیرے نہ ہون دے کارن ہے خوشی دا فقدان |
| چلدی ہوا چ میں گلّاں تیرے نال کردا |
| اُس ویلے سوچیا جے ہُن تیرے نال ہوندا |
| سردی بڑی سی شاماں ویلے میں کمدا بیٹھا |
| جد بعد شام دے اَگ بھڑکا کے کلّا بیٹھا |
| میں ڈُونگی سوچ وچ جیویں کوئی چَلّا بیٹھا |
| پچھتاوے ماضی دے سَن فردا سی کھُلّا بیٹھا |
| اعجازؔ سچی ہتھ وچ کپ چا دا جد میں چکیا |
| تے فیر سوچ آئی ہُن تیرے نال ہوندا |
معلومات