| بہانے کرتے ہو تم کیوں مدام اے ساقی |
| پِلا کبھی تو نگاہوں سے جام اے ساقی |
| نہ مار ڈالے یہ اندازِ عاشقی تیرا |
| نظر جھکا کے نہ ہو ہم کلام اے ساقی |
| حَسین رُت ہے لُطف زندگی کا لینے دو |
| شراب و حُسن کا کر اہتمام اے ساقی |
| عتاب جچتا نہیں رُخ پہ تیرے بالکل بھی |
| شگفتہ رُو رہا کر صبح و شام اے ساقی |
| مئے شباب رہے گا سدا نہ شیشے میں |
| کرے گا وقت اسے بھی تمام اے ساقی |
| کہاں ہے سیکھی یہ عشوہ گری تُو نے بتلا |
| جو ہر کوئی ہے تمھارا غلام اے ساقی |
| قریبِ مرگ ہے دیوانہ یاں تمھارا اور |
| تُو آ رہا ہے بڑا خوش خرام اے ساقی |
| نہ اپنے رندوں کو اتنا ستایا کر ظالم |
| اِنہی کے دم سے ہے تیرا یہ نام اے ساقی |
| غرور کرتا ہے کیوں گلبدن جوانی پر |
| اسے بھی ہونا ہے جب انہدام اے ساقی |
| اُتار ساغرِ جوبن کو شیشے میں زیدؔی |
| پلائے جا مجھے پھر بے قیام اے ساقی |
معلومات