.jpg)
| جَہاں کی سَعادت مِرے مصطفٰی ہیں |
| خُدا کی قَرابت مِرے مصطفٰی ہیں |
| جو نُورِ احد کا ہیں اوّل کرشمہ |
| وہ نُورِ محبت مِرے مصطفٰی ہیں |
| عَدم چیز کیا ہے، یہ کیا ہیں حوادث |
| دَوامِ ہُویّت مِرے مصطفٰی ہیں |
| ہے جن میں جمال و کمالِ ربانی |
| وہ حُسنِ حقیقت مِرے مصطفٰی ہیں |
| وہ جلوَۂ یَزداں، وہ جلوہ نُما ہیں |
| وَجیہُ الْوَجاہت مِرے مصطفٰی ہیں |
| خُدا نے جَہاں اپنے جلووں کو دیکھا |
| وہ شیشہ مَلاحت مِرے مصطفٰی ہیں |
| رِسالت، وِلایت، اِمامت ہے جن کی |
| وہ شانِ سِیادت مِرے مصطفٰی ہیں |
| اَحد کا نِشاں ہے لِوائے محمد |
| ظہورِ جلالت مِرے مصطفٰی ہیں |
| نہ وہ بُھولے حق کو نہ حق اُن کو بُھولا |
| اَمینِ صَداقت مِرے مصطفٰی ہیں |
| نہ سَر کو جُھکایا کسی غیر آگے |
| مَتینِ مَتانت مِرے مصطفٰی ہیں |
| وہ نکلے تھے تنہا بُتوں کو مِٹانے |
| اَمیرِ شُجاعت مِرے مصطفٰی ہیں |
| سخی اُن کے جیسا جہاں میں نہیں ہے |
| سَراپا سخاوت مِرے مصطفٰی ہیں |
| ملی مومنوں کو فِراست جہاں سے |
| وہ گنجِ فِراست مِرے مصطفٰی ہیں |
| جِلا اُن سے پاتے سَبھی اَولیا ہیں |
| قسیمِ کرامت مِرے مصطفٰی ہیں |
| اُنہی کا ہے صدقہ یہ شَرحِ صُدوری |
| بشیر و بَشارت مِرے مصطفٰی ہیں |
| یُصَلُّوْ میں جو رازِ الفت ہے پنہاں |
| وہ حق کی تلاوت مِرے مصطفٰی ہیں |
| تَشہد سَلامی ہے رُوحِ نبیؐ کو |
| ہاں جانِ عبادت مِرے مصطفٰی ہیں |
| غُلام و مَوالی ہیں جن کے سوالی |
| وہ دَستِ عنایت مِرے مصطفٰی ہیں |
| مِرے جان و ایماں ہیں جس کی امانت |
| وہ کلمہ شہادت مِرے مصطفٰی ہیں |
| اُنہی کے کَرم سے فقیری ملے گی |
| کَریمُ النَّجابَت مِرے مصطفٰی ہیں |
| کِسی کو شفاعت کا کیونکر کہوں میں |
| مِری تو شفاعت مِرے مصطفٰی ہیں |
معلومات