| یہ جو لکنت تری زبان میں ہے |
| جھول کچھ تو ترے بیان میں ہے |
| کیسے سمجھوں اسے میں گھر جو اگر |
| بے سکونی اگر مکان میں ہے |
| وہ سکوں کب کسی بھی چھاؤں میں جو |
| تیری پلکوں کے سائیبان میں ہے |
| اک شکن پھر تری جبیں پہ ہے یا |
| کوئی سلوٹ کسی چٹان میں ہے |
| ہر طرف حشر اک اٹھا کے رکھے |
| کیا قیامت تری اٹھان میں ہے |
| میری شہ رگ سے ہے قریب کہیں |
| اور رہتا وہ آسمان میں ہے |
| شان جو سادگی میں پائی گئی |
| وہ کہاں جھوٹی آن بان میں ہے |
| اب بھی دل تجھ سے بد گمان نہیں |
| کس قدر ظرف بد گمان میں ہے |
| تیر وہ، جو ہیں ترکشوں میں ترے |
| یا کھنچا آنکھ کی کمان میں ہے |
| زندگی کب گئی ہے کان کہ جو |
| میرے حصے میں آئی تھان میں ہے |
| ہو گئے ہیں اسیر سحر حبیب |
| سُر کوئی ایسا تیری تان میں ہے |
معلومات