| ایک اجلا شباب لگتا ہے |
| روپ وہ لا جواب لگتا ہے |
| اس کی آنکھوں کا ہو تصور کیا |
| کھلتا چہرہ گلاب لگتا ہے |
| نقش اس کا ہے دل پہ رنگیں سا |
| گو کہ سادہ کتاب لگتا ہے |
| پیار اس کا ملا ہے جو بے حد |
| کرم کچھ بے حساب لگتا ہے |
| گفتگو ہے کوئی نشہ اس کی |
| جام ، مستی شراب لگتا ہے |
| اک کہانی ہے ہونٹ کی جنبش |
| سپنا گویا سراب لگتا ہے |
| چاہنا اس کا مجھ کو یوں پیہم |
| چاند کشتی چناب لگتا ہے |
| گل پہ اوس ہے یا وہ شبنم |
| صبح کا آفتاب لگتا ہے |
| سارے ناموں میں نام اک شاہد |
| سننا مجھ کو رباب لگتا ہے |
معلومات