| حُسنِ بے داغ کا جلوہ جو نظر آ جائے |
| واعظِ خشک کے لفظوں میں اثر آ جائے |
| رونقِ بزم تو ہوتی ہے سدا شمع کے ساتھ |
| وہ نہ ہو پھر کہاں پروانہ نظر آ جائے |
| کُشتہٕ شوق ہوئے ہم بھی انہی آنکھوں کے |
| دیکھ کرجن کو کوئی بھی ہو ادھر آ جائے |
| خود بخود سجدے میں گر جانے کو دل چاہتا ہے |
| پھر کوئی اور مقابل پہ کدھر آ جا ئے |
| وہ ارادہ جو کرے دوست کو دشمن کردے |
| وہ جو چاہے تو عدو بن کے جگر آ جائے |
| دل کو سمجھایا بہت اس سے ہے ملنا مشکل |
| کاش اُس کو بھی سمجھ اِس کی مگر آ جائے |
| آفتاب اس کا ہی سب نور لئے پھرتا ہے |
| جو زمیں پر یہ لئے وقتِ سحر آ جائے |
| طارق اب چاند کو نکلے تو کئی دن گزرے |
| شاید ان کو بھی نظر اب وہ قمر آ جائے |
معلومات