| دلِ ما سوالی کرم مانگے شاہا |
| خزیں کو ملے تیرے در سے بلاوا |
| سدا ہجر تیرے میں بیمار ہے من |
| ہے دیدارِ روضہ مرض کا مداوا |
| ملیں نعمتیں رب سے صدقے میں تیرے |
| تجھے خیر کا رب نے قاسم بنایا |
| بنا کر خدا نے دہر کی یہ رونق |
| تجھے اس نے لولاک مژدہ سنایا |
| امامِ امم اے رسولوں کے دلبر |
| خدا نے ہے محبوب تجھ کو بنایا |
| ہیں احسان تیرے خدا کی خلق پر |
| گراں فیض تجھ سے جہانوں میں آیا |
| غلاموں میں تیرے ہیں جبریل مہتر |
| جو پیغام تیرے خدا سے ہے لایا |
| جو محمود بردہ ہے آلِ نبی کا |
| یہ نغمہ اسے عشقِ جاںؐ نے سکھایا |
معلومات