| ان لیڈروں کی آپ ذلالت تو دیکھیے |
| شہرت کی حرص، مال کی حسرت تو دیکھیے |
| خود کھائیں مال قوم کا، پھر الٹا قوم سے |
| مانگیں یہی حساب بھی جرات تو دیکھیے |
| خود چور کوتوال کو ڈانٹے عجیب ہے |
| اس صادق و امیں کی سیاست تو دیکھیے |
| کر کے ہمارے مال سے ہم پر عنایتیں |
| خود کو سخی کہیں گے سخاوت تو دیکھیے |
| جس جا سے ہم چلے تھے وہیں پر کھڑے ہیں آج |
| کیوں طے نہیں ہوئی ہے مسافت تو دیکھیے |
| نازک ہے موڑ جس پہ کھڑا ہے ابھی وطن |
| نازک سے موڑ کی بھی طوالت تو دیکھیے |
| روٹی مکان اور نہ کپڑا دیا ہمیں |
| ہم نے کیا یقین حماقت تو دیکھیے |
| ہیجان میں عوام کو رکھتا ہے میڈیا |
| یہ بیچتے ہیں جھوٹ صحافت تو دیکھیے |
معلومات