| خم جبیں کچھ با ادب ہو کے ہی جانا روبرو |
| اپنی کوتاہی تہ دل سے بتانا روبرو |
| صرف آنکھوں سے ہی باتیں کب تلک ہوتی رہے |
| حال دل اپنا مگر اک دن سنانا روبرو |
| گر نہ آئے ہمسفر کو سادگی سے بھی یقیں |
| چاک سینہ کر کے اپنے غم دکھانا روبرو |
| مرتکب ہو انجمن میں آپ سے کوئی خطا |
| لاج پھر معصومیت سے ہے نبھانا روبرو |
| درگزر ہوتی خطائیں شادمانی ہو اگر |
| خامیوں کو خوش مزاجی دیکھ لانا روبرو |
| ہچکچاہٹ بے جہت جچتی نہیں ناصؔر کبھی |
| بے تکلف، بے جھجک ہی مسکرانا روبرو |
معلومات