.jpeg)
| یہ خونِ بشر عدل کی تصویر نہیں ہے |
| یہ دینِ خدا باعثِ شمشیر نہیں ہے |
| جو خونِ مظلوم سے رنگین ہو دامن |
| وہ فعلِ بشر باعثِ توقیر نہیں ہے |
| یہ دہشت و وحشت کا سیہ کار قرینہ |
| ہر طبقہ انساں کی حمایت سے پرے ہے |
| امواج لہو پر یہ انبار سفینہ |
| ہر نظریۂ رحم و رعایت سے پرے ہے |
| بے وجہ و سبب بے خردو فہم یہ افعال |
| ہر عدل و مروّت سے یکسر ہوئے محروم |
| بے منزل و بے مقصد و بے رخ یہ پر و بال |
| نا متفق ان سے ہے ہر اک عالم و مظلوم |
| یہ دہشت و وحشت یہ تسلط یہ تشدد |
| یہ مشغلہ و آشوب و آفت و مہمیز |
| یہ کلمۂ طیب ہے نہ انگشتِ تشہد |
| یہ گردشِ خوں بار و غم انگیز و جنوں خیز |
| ہشیار کہ یہ کار خوش انجام نہیں ہے |
| جو کچھ بھی ہو یہ مذہب اسلام نہیں ہے |
معلومات