| رنج و غم ، درد و الم ، آہ و فغاں ہے زندگی |
| ہم سمجھتے تھے کہ اک رنگیں جہاں ہے زندگی |
| حسن کی بیزاریاں ہے عشق کی بیتابیاں |
| دل نشیں گمراہیاں ، رسوائیاں ہے زندگی |
| رہزنِ دل ، دشمنِ جاں ، کارِ عالم " الاماں " |
| عمر کے اس دور میں کوہِ گراں ہے زندگی |
| محفلِ عیش و طرب کیوں راس آئے گی مجھے |
| اے غمِ دوراں مسلسل امتحاں ہے زندگی |
| کیا جنوں پیشہ رہا میں کیا خرد سے آشنا |
| عقل و دل و ہم و گماں کے درمیاں ہے زندگی |
| وصل کی راحت ہو یا پھر ہجر کی بیتابیاں |
| دل فریب و دلربا دلکش زیاں ہے زندگی |
| کتنے افسانے بنے ہیں اپنے راہِ شوق میں |
| کتنے ارمانوں کے خوں سے شادماں ہے زندگی |
| اے دلِ مضطر کہاں تک نالہ و فریاد ہو |
| راحتِ دل ہے کبھی تو دردِ جاں ہے زندگی |
معلومات