| غموں کو سینہ میں رکھا سجا کے |
| کِیا برتاؤ بھی تھا مسکرا کے |
| حسیں چہرہ ادائیں شوخ و چنچل |
| "وہ اوجھل ہو گیا جلوہ دکھا کے" |
| گوارہ کرب سارے عشق میں تھے |
| سہے ظلم و ستم وعدے نبھا کے |
| رواں ہے کارواں منزل کی جانب |
| قدم کوشاں ہیں خوابوں کو سما کے |
| تصور میں ہو تم دھڑکن میں ہو تم |
| بچھڑ بھی جائیں تو الفت بسا کے |
| ملن کے لمحے فرحت بخش رہتے |
| مہک زلفوں کی سانسوں میں رچا کے |
| بندھے رشتوں کے بندھن میں ہیں ناصؔر |
| دلوں میں پیار کے جزبے جگا کے |
معلومات