| سیرتِ خیر الوری قرآن ہے |
| مدحِ محبوبِ خدا ایمان ہے |
| آپ ہیں دونوں جہاں کے تاجدار |
| عرش سے یہ فرش تک اعلان ہے |
| آپ کا ہر اک عمل ہے اک کرم |
| خلق پر کتنا بڑا احسان ہے |
| آپ کے صدقے بنے دونوں جہاں |
| ہر کلی میں آپ کی مسکان ہے |
| رحمتِ عالم کا جلوہ دیکھ کر |
| آپ پر ہر دل یہاں قربان ہے |
| آپ صادق اور امین و با وفا |
| جس کا قائل خود خدا رحمان ہے |
| آپ کا ہر معجزہ ہے بے مثال |
| دیکھ کر جس کو جہاں حیران ہے |
| ہے یہ نسبت ہی منور کو بہت |
| جو لبوں پر نعت کا عنوان ہے |
معلومات