| خدا کو کھو دیا ہے اس کا عکس ڈھونڈتا ہے |
| بگولہ خاک کا کیا کر کے رقص ڈھونڈتا ہے |
| اگرچہ دیر ہوئی اس سے ملا قا ت ہوئے |
| اسی کے ہاتھ کا وہ اب بھی لَمْس ڈھونڈتا ہے |
| ملی ہے جس کو سخاوت کی خوبی ورثے میں |
| کسی غریب کو وہ کھا کے ترْس ڈھونڈتا ہے |
| جسے گلہ ہے ہواؤں کے تیز چلنے کا |
| ہوا کا جھونکا کوئی وقتِ حبْس ڈھونڈتا ہے |
| چلی ہے رسم نئی میرے شہر میں الٹی |
| جو بے وفا ہے محبّت کا درس ڈھونڈتا ہے |
| حصولِ علم کی خاطر جو گھر سے آیا تھا |
| وہ نو جوان یہاں گانجہ چرس ڈھونڈتا ہے |
| اسے ہے ڈھونڈنا ان میں سے ایک رہبر کو |
| امین ہو کوئی ایسا وہ شخص ڈھونڈتا ہے |
| ہے اس زمانے میں جو دور نفسا نفسی کا |
| یہ طارق اب کوئی بندہ بے نفْس ڈھونڈتا ہے |
معلومات