| جو جتنا بَرا ہے وہ اتنا بڑا ہے |
| زمانہ اسی کے تو پیچھے کھڑا ہے |
| حق و عدل کی بات جس نے اٹھائی |
| وہی قید خانے کے اندر پڑا ہے |
| کوئی زندگی عیش و عشرت میں کاٹے |
| مِری زیست کا امتحاں کیوں کڑا ہے |
| کسی کو میسر نہ بوسیدہ کپڑا |
| کسی زرد پگڑی پہ موتی جڑا ہے |
| خریدے وہ نفرت جوانی کو دےکر |
| وطن میں نیا ایک ایسا دھڑا ہے |
| کبھی بھی نہ جمہوریت یہ مٹے گی |
| یہاں کی زمیں میں سرِ حب گڑا ہے |
| فلک تک نہ پہنچی مِری سب دعائیں |
| لگے یوں مزاجِ فلک چڑچڑا ہے |
| کرے بات اوروں کے درد و الم کی |
| زباں صرف شیریں تو دل کڑکڑا ہے |
| لڑا صرف سرمایہ داروں کے حق میں |
| غریبوں کے حق میں کہاں کب لڑا ہے |
| جو دستور نے دی جسے تخت و کرسی |
| اسی کو مٹانے پہ باطل اڑا ہے |
معلومات