جو میرے جسم و روح کا سوہان بن گیا |
اب اس کو کیا کروں وہ مری جان بن گیا |
سارا کلام اپنا معنون کیا اسے |
وہ جب مری حیات کا عنوان بن گیا |
ایسی نظر ملی مری کافر نگاہ سے |
اب اس کا عشق ہی مرا ایمان بن گیا |
صدیاں لگی تھیں وحشی سے انسان بننے میں |
صدحیف پھرسے وحشی و حیوان بن گیا |
وہ ساتھ تھا تو دل میں چراغاں تھا جشن تھا |
وہ کیا گیا یہ وادیِ ویران بن گیا |
شہرت ہوئی نصیب جو اس کم صفات کو |
وہ عجز و انکسار سے انجان بن گیا |
معلومات