| چہرہ ہے خوب، زلفِ گرہ گیر اخیر ہے |
| وہ تیرے ساتھ لی ہوئی تصویر اخیر ہے |
| گھائل ہوۓ ہیں کتنے ہنر مندِ تیغ بھی |
| تیری بھووں کی خیر، یہ شمشیر اخیر ہے |
| بیمارِ غم پہ ہے یہ عنایت بہت مفید |
| یعنی کہ عارض و لبِ اِکسیر اخیر ہے |
| دل میں بَجُز خرابئِ شوق و جنوں ہے کیا |
| کیا کہنے ہیں کہ نامۂِ تقدیر اخیر ہے |
| بے آبرو ہوۓ روشِ آرزو میں ہم |
| طرزِ جفا میں وہ بتِ بے پیر اخیر ہے |
| تاریکئِ فراق سے دل ڈر کے رہ گیا |
| خوف آتا ہے کہ نالۂِ شب گیر اخیر ہے |
| بس اک گمان میں ہے امیدِ وفا ہمیں |
| اس نقشۂِ گمان کی تعمیر اخیر ہے |
| ان کے کہے پہ قتل کرے گا ہمیں رقیب |
| اللہ رے جوتشی تری تعبیر اخیر ہے |
| ہم وجہِ شغلِ طعنہ زنی ہوۓ عشق میں |
| یہ ذلت و تباہی و تحقیر اخیر ہے |
| کب کا گزر گیا ہے وہ دل کا زمانہ پر |
| اس عشقِ نامراد کی تاثیر اخیر ہے |
| چہرہ ہے زرد اور رگیں پھولتی ہیں زیبؔ |
| پھنداۓ آرزوۓ گلو گیر اخیر ہے |
معلومات