| ہے اپنا اعلان وطن |
| میرا دل اور جان وطن |
| میرا پاکستان وطن |
| مہکے اس کے سرو سمن |
| مہکے اس کے چمن چمن |
| کہہ دے کوئی کوہ و دمن |
| میرا پاکستان وطن |
| ندیاں نہریں بھی ہیں رواں |
| روشن رخشاں سارا سماں |
| کہہ دے کوئی خوب دہن |
| میرا پاکستان وطن |
| اپنی گلیاں گھر اسکول |
| باغ میں جا کر جھولا جھول |
| ہو گی من میں ایک لگن |
| میرا پاکستان وطن |
| ایک نظر کر کھول کے من |
| پورب، پچھم، اُتر، دکن |
| کتنا پیارا چال چلن |
| میرا پاکستان وطن |
| بچے سے گر کوئی پوچھے |
| توتلے منہہ سے وہ کہہ دے |
| پیارا وطن سہ سارا وطن |
| میرا پاکستان وطن |
معلومات