یا علی مِرے لب پر زاویہ حسینی ہے |
میں حسینی نوکر ہوں سلسلہ حسینی ہے |
جان بھی چلی جائے سر کبھی نہ خم کرنا |
ظلم کو مٹانے کا قاعدہ حسینی ہے |
مصطفےٰ کی محفل ہے مصطفےٰ بھی آئیں گے |
ہم حسین والے ہیں رابطہ حسینی ہے |
کربلا کی دھرتی سے درس ہے ملا ہمکو |
خلد میں جو جائے گا راستہ حسینی ہے |
وقت کے یزیدوں کی دھجیاں اڑا دیں گے |
باخدا کلیجے میں حوصلہ حسینی ہے |
جشنِ سرورِ عالم اس طرح سجائے ہیں |
نعت خواں علی والے نعتیہ حسینی ہے |
حشر میں تصدق یوں شور اِک بپا ہوگا |
راستہ چلو دے دو قافلہ حسینی ہے |
معلومات