| ہم کو مٹا سکے یہاں کس میں مجال ہے |
| رہنے دو بے تکا سا فقط اک سوال ہے |
| خوشیاں ملی ہیں آج تو کل کو ملال ہے |
| اِس رَہ گزارِ زِیست میں ہجر و وصال ہے |
| دانا کی عقل صحبتِ ساقی نے چھین لی |
| کہتے ہیں ”مَے بھی اب تو یہاں پر حلال ہے“ |
| مٹ جائے دل ترا یہاں تجھ کو الم نہیں |
| قوموں کے مٹنے کا مگر اب تو سوال ہے |
| کہنے لگے ”جواب نہ دیں گے سوال کا“ |
| یہ ہے نہیں جواب مرا اور سوال ہے |
| کہنے لگے ”سوال ہی مغلوط ہے ترا“ |
| دیکھو سوال اپنی جگہ پر سوال ہے |
| پیروں تلے یوں کون روندے اسے بھلا |
| تیری نگاہِ ناز کا جو پائمال ہے |
| ہم کو مٹانے کی یہاں سازش نہ کر خَصم |
| جس کو رکھے خدا کہاں اس کو زوال ہے |
| حسانؔ اب قلم تو چلانا سنبھال کر |
| تیری قلم جو بار ہا کرتی وبال ہے |
معلومات