| جان, مُضْطَر نَہیں تو کچھ بھی نَہیں |
| غم, فُزُوں تَر نَہیں تو کچھ بھی نَہیں |
| یہ خدا گر نَہیں تو کچھ بھی نَہیں |
| عشق کافر نَہیں تو کچھ بھی نَہیں |
| دل مِیں گَر دو جَہاں بھی ہیں تو کیا؟ |
| دل مِیں دلبر نَہیں تو کچھ بھی نَہیں |
| دل کہ کتنا ہی ہو عظیم مَگر |
| غم کا خُوگر نَہیں تو کچھ بھی نَہیں |
| رات بھر اُن کی یاد آنے سے |
| دل مِیں مَحْشَر نَہیں تو کچھ بھی نَہیں |
| اُن کے در پر جَبیں کا جُھک جانا |
| یہ مُقَدَّر نَہیں تو کچھ بھی نَہیں |
| کائناتِ نِگاہ مِیں تیری |
| ایک مَنْظَر نَہیں تو کچھ بھی نَہیں |
| پیرِ میخانہ تیری مَحْفِل مِیں |
| دورِ ساغَر نَہیں تو کچھ بھی نَہیں |
| عقلِ کُل کتنا ہی مُسافِر ہو |
| کوئی رَہْبَر نَہیں تو کچھ بھی نَہیں |
| یار شاہدؔ حَسیں ہو لاکھ, اَگر |
| وہ سِتَم گَر نَہیں تو کچھ بھی نَہیں |
معلومات