| تیزی سے آسماں کی طرف جا رہے ہیں ہم |
| نغمے خدا کی حمد کے جو گا رہے ہیں ہم |
| احمد کے ہاتھ سے لگے جو پھول جا بجا |
| خوشبو اسی کی ہے جسے بکھرا رہے ہیں ہم |
| پودے لگائے پیار کے خود اُس نے ہاتھ سے |
| برکت اسی کی ہے یہ ثمر کھا رہے ہیں ہم |
| سینچے گئے ہیں چشمۂ عرفاں سے بار بار |
| شاداب شاخیں ہر جگہ پھیلا رہے ہیں ہم |
| ساقی نے ہاتھ میں دیا ہے جام اس لئے |
| خود پی کے دوسروں کو بھی پلا رہے ہیں ہم |
| دیکھا ہے اس کے فیض کا جو چشمۂ رواں |
| اس سمت تشنہ روحوں کو اب لا رہے ہیں ہم |
| باہر اندھیری رات ہے اک شمع کے طفیل |
| نوروں میں اپنے آپ کو نہلا رہے ہیں ہم |
| اب چار سُو جہان میں چرچا اسی کا ہے |
| آؤ اٹھو ہے دن چڑھا بتلا رہے ہیں ہم |
| واجِب ہے ہم پہ شکر کے سجدے کیا کریں |
| اُس کی دُعا کا فیض سبھی پا رہے ہیں ہم |
| طارق خدا کے فضل کا کیونکر کریں شمار |
| پیچھے امام کے ہی چلے جا رہے ہیں ہم |
معلومات