| سردار انبیاؐ کی امامت کو ہے سلام |
| محبوب کبریاؐ کی امارت کو ہے سلام |
| سرکار مصطفیؐ کی نبوت کو ہے سلام |
| ختم الرسلؐ کی شان رسالت کو ہے سلام |
| سارے جہانوں کے لئے لائے نوید امن |
| آقائے نامدارؐ کی رحمت کو ہے سلام |
| تکریم پائی آپؐ نے معراج کی ہے رات |
| مہماں ہوئے جوؐ اسری کے عظمت کو ہے سلام |
| آتا رہے گا نام محمؐد خدا ﷻ کے ساتھ |
| مولائے کل ﷻ سے جڑ گئی نسبت کو ہے سلام |
| کردار کے فریفتہ دشمن بھی بن گئے |
| گرویدہ جس پہ ہوگئے سیرتؐ کو ہے سلام |
| محشر کے والؐی سے کرے ناصؔر یہ التجا |
| شافؐع سنوارے بگڑی، شفاعت کو ہے سلام |
معلومات