| سکونِ دل و جاں مدینے میں ہے |
| کہ درماں دکھوں کا مدینے میں ہے |
| مدینے میں ملتی جو سوغات ہے |
| بدلتی ہے طالع بڑی بات ہے |
| یہاں شاہِ ہستی امام الرسل |
| غریبوں کے داتا ہیں مختارِ کل |
| وہ آئے جہاں میں نبی آخری |
| ہے کونین جن کے لئے کل بنی |
| یہ محبوبِ داور ضیائے جہاں |
| منور کریں کل زمیں آسماں |
| بجیں اُن کے ڈنکے عُلیٰ ہر جگہ |
| ہیں سلطانِ خوباں نبی مصطفیٰ |
| بلایا خدا نے انہیں عرش پر |
| ملے اُن کو درجے عُلیٰ فرش پر |
| فروزاں ہے اُن سے صبا و مسا |
| وہ بدرِ دجیٰ ہیں نبی مصطفیٰ |
| نبی سے جہاں ہیں درخشاں تمام |
| وہ صلے علیٰ ہیں وہ خیر الانام |
| اے محمود رتبے اُنہی کے جدا |
| ہیں مقصودِ کن جو حبیبِ خدا |
معلومات