| کسی کروٹ نہیں ہے چین یارو |
| سنائی دے رہے ہیں بَین یارو |
| بڑی روشن ہیں گو سُورج کی کرنیں |
| مگر ہر سُو اندھیرا رَین یارو |
| تکلّف ہے سراسر رشتے داری |
| بناوٹ آ گئی مابَین یارو |
| بہت رویا ہے دل تم سے بچھڑ کر |
| سمندر بن گئے ئیں نَین یارو |
| سنایا فیصلہ قاضی نے یوں کچھ |
| جنونی لگتے ہیں طرفین یارو |
| وہ جن کا دبدبہ تھا شہر بھر میں |
| نظر آتے ہیں اب بے چین یارو |
| پرستش ہو رہی ہے مال و زر کی |
| حصولِ دھن بنا دارین یارو |
| پیارے کیوں نہ ہوں پوتے نواسے |
| نبی کی جان تھے حسنین یارو |
| ۳ |
معلومات