| لائی ہے آس و ارماں، یکم جنوری |
| اس پہ ہیں سارے نازاں، یکم جنوری |
| پھیلی ہے جب مبارک کی ہر سو صدا |
| چہروں پر دوڑی مسکاں، یکم جنوری |
| غم کی تاریکیوں کو بھلایا ہے اب |
| شمع کر دی فروزاں، یکم جنوری |
| سال نو کی کرن پھوٹی خوشیاں لئے |
| مہر نکلا درخشاں، یکم جنوری |
| بھول کر الجھنیں، آفتیں، مشکلیں |
| ہو گیا ہے چراغاں، یکم جنوری |
| کیسے آمد پہ پھولوں کی سوغات ہے |
| کیسی برسائی کلیاں، یکم جنوری |
| شوق میں تیرے ناصؔر بھی ڈوبا رہے |
| سب کے مخصوص مہماں، یکم جنوری |
معلومات