| ۔۔۔ساحرہ۔۔۔ |
| گماں کے اس چراغ نے |
| ہے کھیل وہ حسیں رچا |
| یقینِ دل کے باغ میں |
| اتھل پتھل ہے مچ گیا |
| عجب ہی حادثہ ہے یہ |
| نگاہِ دل کے سامنے |
| کھڑی ہے ایک ساحرہ |
| دل و جگر کو تھامنے |
| میں نقش کیا بیاں کروں |
| وہ حسنِ بے مثال ہے |
| سنا رہا ہوں پھر بھی میں |
| جو میرے دل کا حال ہے |
| مجسمہ ہے یہ کوئی |
| اجنتا کی گپھاؤں کا |
| یا ہے یہ کوئی پینٹنگ |
| روی کے کلپناؤں کی |
| لبوں کی مسکراہٹیں |
| اٹھاتی ہیں یوں گھونگھٹیں |
| یہ حسرتیں ہیں لے رہیں |
| مچل مچل کے کروٹیں |
| ہیں نین یوں بھرے بھرے |
| کھلے ہوں جیسے میکدے |
| چھلک کے ان سے مستیاں |
| عجب سی جادوئیں کرے |
| یہ زلف ہے یا رات ہے |
| بلا کی جس میں بات ہے |
| قیامتوں کی موج بھی |
| ہیں کھاتی جن سے مات ہے |
| نہ گل میں ہے وہ تازگی |
| نہ چاند میں وہ دلکشی |
| کرے ہے آئینہ حیا |
| ہے چہرہ اس قدر حسیں |
| ادا کہوں حیا کہوں |
| بلا کہوں دعا کہوں |
| خموشی کو صدا کہوں |
| تو پھر صدا کو کیا کہوں |
| چلا رہی ہے جادوئیں |
| وہ اپنی ہراداؤں سے |
| یقیں کا شہر ہے بسا |
| گمان دل کے گاؤں سے |
| کھِلی ہوئی ہے چاندنی |
| مچل رہی ہے روشنی |
| سنا رہی ہیں دھڑکنیں |
| ٹھہر ٹھہر کے راگنی |
| ذرا میں اس سے پوچھ لوں |
| تو کس نگر سے آئی ہے |
| یہ رنگ اور یہ شوخیاں |
| کہاں سے تو نے پائی ہے |
| بس اتنی ہی سی بات پر |
| ہوئی ہے وہ چھوی موئی |
| ابھی ابھی تو تھی یہیں |
| نہ جانے گم کہاں ہوئی |
| گماں کبھی حقیقیں |
| ہوا بھی کرتی ہیں بھلا |
| مگر گماں میں ہے چھپا |
| حقیقتوں کا فلسفہ |
| ہوا جو کرتی ہے نہیں |
| حقیقتوں میں جو کبھی |
| یہ وہم کی شرارتیں |
| دکھاتی ہیں ہمیں وہی |
| بےحس کلیم |
معلومات