| جان گرویدہ کر لیا تم نے |
| اول اول تو تم نے دل جیتا |
| سُرمئی رنگ مہکے گیسو سے |
| مست ہنستی حسین آنکھوں سے |
| شوخ رنگیں گلاب گالوں سے |
| کلیوں جیسے لطیف ہونٹوں سے |
| رقص کرتے شریر جھمکوں سے |
| لمبی گردن مہکتی سانسوں سے |
| نرم و نازک گداز سینوں سے |
| پتلی نازک کمر کے نخروں سے |
| کھنکھناتی ہوئی کلائیوں سے |
| خوبصورت حسین ہاتھوں سے |
| ناخنوں کے نفیس رنگوں سے |
| چست ٹانگوں سے مست قدموں سے |
| پائلوں کے حسین جھرنوں سے |
| مخملی نازنین پیروں سے |
| پُر کشش دلربا اداؤں سے |
| صندلیں جسم کی قسم لے لو |
| تم سراپا طلسم ہو جاناں |
| خوبیاں بے حساب ہیں لیکن |
| جان گرویدہ کر لیا تم نے |
| سلجھی سلجھی نفیس باتوں سے |
| میٹھے میٹھے نفیس بولوں سے |
| شہاب احمد |
| ۵ اکتوبر ۲۰۲۵ |
معلومات