| دل ہے نعلِ نبی سے وابستہ |
| نور ہے زندگی سے وابستہ |
| نعلِ پاکِ نبی سے دل جڑ کر |
| رہتا ہے تازگی سے وابستہ |
| عشقِ احمد ہے کیا شعورِ حق |
| جو کہ ہے عاشقی سے وابستہ |
| دل کو حاصل رہے شعورِ نبی |
| ہے جبھی روشنی سے وابستہ |
| عشقِ احمد شعورِ مطلق ہے |
| عشق ہو بس اِنہی سے وابستہ |
| نورِ احمد ہے عرش والے کا |
| اور ہے آدمی سے وابستہ |
| عشقِ احمد ہے لا پتہ کا پتا |
| پہلے ہو بندگی سے وابستہ |
| جوڑنے نورِ حق سے بس احمد |
| ہو گئے امّتی سے وابستہ |
| ذکرِ احمد ہے سانس میں جاری |
| ہیں نبی بانسری سے وابستہ |
| نورِ احمد سے ہے احد ظاہر |
| ہو کبھی آگہی سے وابستہ |
| ظاہراً تو نبی سے دوری ہے |
| روح ہے باطنی سے وابستہ |
| دید بازوں نے دیدِ حق پایا |
| جلوۂ احمدی سے وابستہ |
| جابجا تن میں نورِ احمد ہے |
| دیکھ، ہو انفسی سے وابستہ |
| اَشھدُ اَن محمداً کہنے |
| خود میں ہو شاہدی سے وابستہ |
| دل میں رہتے ہیں، علم دیتے ہیں |
| ہیں نبی خامُشی سے وابستہ |
| دل میں بے شک حضور حاضر ہیں |
| ہو زرا حاضری سے وابستہ |
| روکتے ہیں نبی برائی سے |
| رہنا اس رہبری سے وابستہ |
| احمدِ پاک ہیں خدا کے لئے |
| اس خودی بے خودی سے وابستہ |
| جس گھڑی دل کو حق کیا پیدا |
| ہے نبی سے تبھی سے وابستہ |
| ہر لطیفہ خدا کا ہے بندے |
| اِن کی موجودگی سے وابستہ |
| سرِّ آدم خدا، نبی سے ہے |
| ان کی وابستگی سے وابستہ |
| بَشْرِ اوّل کا دل ازل سے ہے |
| اس نبی آخری سے وابستہ |
| غیب دانی دکھی مدینے میں |
| جب بوئی اوٹنی سے وابستہ |
| سارے عالم کو ہیں نبی رحمت |
| علم رکھ اختری سے وابستہ |
| اپنا کلمہ نبی پڑھا کے کئے |
| ذاتِ حق اکبری سے وابستہ |
| سارا عالم ہے نورِ احمد سے |
| جو نہیں تیرگی سے وابستہ |
| احمدِ پاک دوست جس کو رکھیں |
| حق ہے اس دوستی سے وابستہ |
| جڑ کے احمد سے زندگی اپنی |
| ہو گئی ہے خوشی سے وابستہ |
| نعتِ احمد کے گنگنا نے سے |
| دھن ہوئی چاشنی سے وابستہ |
| نعتِ پاکِ نبی سدا رہنا |
| میری تشنہ لبی سے وابستہ |
| یادِ احمد میں دل دھڑکتا ہے |
| قلب ہے موسقی سے وابستہ |
| اپنے جلوے کو یا نبی رکھیے |
| دل کی اس پالکی سے وابستہ |
| مصطفیٰ جو کہ شاۂ عالم ہیں |
| ہیں مری جھونپڑی سے وابستہ |
| شاۂ ہر دو جہاں نبی ہو کر |
| ہم سے ہیں سادگی سے وابستہ |
| ہوگئے جو غلام احمد کے |
| وہ ہوئے سروری سے وابستہ |
| شہ، نبی کے غلام بن کر بھی |
| رہتے ہیں عاجزی سے وابستہ |
| دن کو یادِ نبی رہی دل میں |
| رات کو چاندنی سے وابستہ |
| اے خدا یا ہمیں نبی کی اس |
| رکھنا تو نوکری سے وابستہ |
| اصلِ مرشد ہے نور احمد کا |
| جو ہے مولیٰ علی سے وابستہ |
| یا نبی وقتِ مرگ جلوہ دیں |
| ہے دعا رخصتی سے وابستہ |
| عشقِ احمد نے اے ذکؔی ہم کو |
| کر لیا شاعری سے وابستہ |
معلومات