انجمن ماضی کی یادوں کی نہ راس آئی مجھے |
مجھ کو لوٹا دے زمانے میری تنہائی مجھے |
کیا بہار آئی کہ دل کے زخم تازہ ہو گئے |
اور مضطر کر گئی موسم کی انگڑائی مجھے |
میری ہر اک بات پر ہنستا رہا تھا میرا دل |
اور دل کی بات پر کتنی ہنسی آئی مجھے |
کیا خوشی پائی کہ ساری تلخیاں یاد آگئیں |
اور سونا کر گئی موسم کی رعنائی مجھے |
عمر بھر بھٹکا کیا ہوں خارزاروں میں حبیب |
راس آجائے گی پھولوں سے شناسائی مجھے؟ |
معلومات