چپ رہ کر بھی شور مچایا جاسکتا ہے |
یوں نادیدہ حشر اٹھایا جاسکتا ہے |
نم آنکھوں سےخوشیاں بانٹی جاسکتی ہیں |
رنجیدہ رہ کر مسکایا جاسکتا ہے |
شاہینو..! کچھ دور نہیں ہے نیل گگن بھی |
کوئی ستارہ توڑ کے لایا جاسکتا ہے |
آنگن میں اب ایسی کوئ دیوار نہ ہو تو |
آسانی سے آیا جایا جا سکتا ہے |
کیسا گھاٹا اب ہے چاہت کے سودے میں |
دل کے بدلے درد کمایا جا سکتا ہے |
گھر کا بھیدی راون کا جو بھائی ہےناں...! |
لنکا کُو اُس ہاتھ سے ڈھایا جاسکتا ہے |
شہرت پانا کیا مشکل ہے اسلم راہی |
سرمائے سے نام کمایا جاسکتا ہے |
معلومات