| مرے قریں نشست پر براجماں جو تم ہوئی |
| تری حسین آنکھ میں یہ کائنات گم ہوئی |
| مجھے لگا “ستارگاں کی روشنی” و “شربتوں کی چاشنی” |
| ترے بدن میں ضَم ہوئی |
| تو رونقِ اِرَم ہوئی |
| مجھے لگا بہشت میں ہیں ہم |
| جہاں کا میں ہوں مرُزَبان حورِ عین تم ہوئی |
| مجھے لگا |
| ہیں پاک ہم حدود سے قیود سے |
| ہیں رونقیں سبھی یہاں |
| ترے مرے وجود سے |
| یہ عسرتِ بدن میں خُم نُما کمر لئے جو تو اٹھا |
| مجھے لگا سُبو اٹھا |
| مجھے لگا بدن ترا ہے انجمن رقص کی سُرود کی |
| مجھے لگا یہ نہر ہے |
| انگبیں یا دودھ کی |
معلومات