| در پہ آئے تھے ترے، جان مگر لوٹ گئے |
| کوئی ہونا ہی تھا نقصان، مگر لوٹ گئے |
| ہم جو آئے تھے تری ایک جھلک پانے کو |
| تو بھلے کرتا بھی احسان، مگر لوٹ گئے |
| ہم جو چوری کو گئے، گھر وہ کسی شاہ کا تھا |
| لُوٹ لینا بھی تھا آسان، مگر لوٹ گئے |
| ہم نے حملہ تو کیا، وہ تھا نہتّا، تنہا |
| کرتا رہتا تھا جو اپمان، مگر لوٹ گئے |
| اسکی عزت تو گئی، مسئلہ یہ بعد کا تھا |
| شوق سے رکھتا بھی بہتان، مگر لوٹ گئے |
| چور تھے سب ہی مگر، ایک مرا حکم عدول |
| باندھ کے رکھا تھا سامان، مگر لوٹ گئے |
| جانے کیا سوجھی کہ ہم شام کو بازار میں تھے |
| سر اٹھاتے رہے ارمان، مگر لوٹ گئے |
| ہم سے بیٹی نے کہا تھا کہ کھلونے لانا |
| خوب وہ رکھتی بھی ہے مان، مگر لوٹ گئے |
| اُس نے حسرتؔ سے ہمیں پھر سے بلا بھیجا ہے |
| توڑ سکتے بھی تھے فرمان، مگر لوٹ گئے |
| رشید حسرتؔ |
| ۳۱ اگست ۲۰۲۴، (شب ۱۲ بج کر ۲۰ منٹ پر) |
معلومات