| عمل نہیں ہے ، زباں میں ہو پھر اثر کیسے |
| نہ باغ سینچیں اگر ہم ، ملیں ثمر کیسے |
| ہوا ہے تجربہ حالات سے گزر کے ہمیں |
| طویل گرچہ تھی شب ، ہو گئی سحر کیسے |
| رموزِ عشق سے واقف نہیں خرد اب تک |
| جنوں نے آگ کو ٹھنڈا کیا ، مگر کیسے |
| چلے ہیں جب بھی کہیں ، کارواں کے ساتھ چلے |
| پتہ چلا نہ ہمیں کب کٹا ، سفر ، کیسے |
| زمانہ دیکھ رہا ہے ہمیں جو حیرت سے |
| اُٹھے کہاں سے تھے پہنچے یہاں اگر ، کیسے |
| سوال یہ ہے کہ اک رات عرش تک پہنچے |
| مقام جس نے یہ پایا ، ہوا ، بشر کیسے |
| اسی نے سلسلہ قائم کیا سزا و ثواب |
| حساب اس کو ہی دینا ہے ، پھر مفر کیسے |
| خدا کا ہاتھ ہے ، اس ہاتھ پر جو تھاما ہے |
| یہاں پڑے ہیں تو چھوڑیں گے اب یہ در کیسے |
| ہے طارق اور کہاں اس جہاں میں یہ نعمت |
| ہمارے سر پہ ہے سایہ ہوا سپر کیسے |
معلومات