| بنایا ہے تم کو رب نے ایسا کمال آقا |
| دلوں کو مسحور کرتا تیرا جمال آقا |
| نہ جود میں ثانی ہے، نہ حسن و جمال میں کوئی |
| مثل نہیں تیرے کوئی تم بے مثال آقا |
| شکستہ حال و لا چار ہوں دل مِرا ہے غمگیں |
| تمھی کرو دور میرے دل کے ملال آقا |
| گناہ و عصیاں کی چھائی نادار پر گھٹائیں |
| کرم ترے کا ہے منتظر میرا حال آقا |
| یا مصطفی جس پہ ہو حمایت تری کا سایہ |
| اسے نہیں رہتا کوئی خوفِ زوال آقا |
| حجاب میں چاند میرا پردہ نشیں ہے کب سے |
| میں منتظر عید ہوں، دِکھے اب ہلال آقا |
| مری تمنّا ہے وقت رخصت ہو دید تیری |
| عطا ہو عاجز کو ایسا حسنِ مآل آقا |
معلومات