| الٰہی دکھا دے بہارِ مدینہ |
| چلیں سب ہی مل کے دیارِ مدینہ |
| ہے کتنا عجب ، کتنا دلکش سہانا |
| معطر معطر وہ خارِ مدینہ |
| کبھی دیکھتا ہوں میں گنبد وہ پیارا |
| کبھی ہے نظر میں بہارِ مدینہ |
| مدینے میں بٹتی دو عالم کی دولت |
| کہ رہتے وہاں تاجدارِ مدینہ |
| خدایا شرف یہ مجھے بھی عطا ہو |
| مری خاک بھی ہو غبارِ مدینہ |
| نسیم و صبا ہوتی داخل ادب سے |
| ہے کتنا ہی عز و وقارِ مدینہ |
| مرے دل میں یا رب ہو آقا کے جلوے |
| شب و روز دیکھوں بہارِ مدینہ |
| وہ پیارا سفر مجھ کو پھر سے عطا کر |
| میں جاتا رہوں بس دیارِ مدینہ |
| پہاڑ و شجر کے وہ دلکش نظارے |
| خدا کی عطا ہے نگارِ مدینہ |
| قبا اور احد کے حسیں وہ نظارے |
| رہیں تا قیامت منارِ مدینہ |
| ہے مٹتے جہاں بھر کے درد و الم بھی |
| کہ قلبِ حزیں بس پکارِ مدینہ |
| ہے سانسوں میں جاری ہوائے مدینہ |
| عجب رنگ پر ہے خمارِ مدینہ |
| ہزاروں ہی عاشق ہے دل کو سنبھالے |
| کروڑوں ہے آقا نثارِ مدینہ |
| دلِ نور کی تو مرادیں بھی دے دے |
| وہ جلدی ہی پہنچے مطارِ مدینہ |
معلومات