| ڈھل گئے ہیں ماہ و سال دیکھتے ہی دیکھتے |
| اُڑ گیا جاہ و جلال دیکھتے ہی دیکھتے |
| ہو گئی ہیں سب ہی خاک مٹ گئی ہیں رونقیں |
| شہر ہے اب خال خال دیکھتے ہی دیکھتے |
| جستجو کی تھی وہ بات پوچھنا ہی پوچھنا |
| ختم ہیں سارے سوال دیکھتے ہی دیکھتے |
| حسن ادا اور وہ ناز دبدبے کی منزلیں |
| گم ہوا تیرا جمال دیکھتے ہی دیکھتے |
| اب سمجھ آئی یہ بات کھُل گیا یہ راز بھی |
| ہر ادا رُوبہ زوال دیکھتے ہی دیکھتے |
| تیری ہمایوں یہ بات مجھ کو پسند آ گئی |
| تُو بنا ہے اک وبال دیکھتے ہی دیکھتے |
| ہمایوں |
معلومات