| آئنہ دیکھ کے ہم تیرا ، سنورتے جاتے |
| ہم تری بات جو سنتے تو نکھرتے جاتے |
| دیکھ کر ہم کو فرشتے بھی تو حیراں ہوتے |
| ہم تِرا رنگ جو کردار میں بھرتے جاتے |
| کتنی گہرائی سے بندہ تِرا لایا موتی |
| دیکھ کر ان کی چمک لوگ ٹھہرتے جاتے |
| حسن کے اور بھی قائل ہوئے لاکھوں تیرے |
| ہیں مگر ، جگ کی روایات سے ڈرتے ، جاتے |
| تُجھ سے ہم رسمِ وفا خوب نبھاتے مل کر |
| ہم محبّت میں تری جاں سے گزرتے جاتے |
| توڑ کر ہم کو چمن سے جو الگ کر تے ہیں |
| ہم ہیں خوشبو کی طرح اور بکھرتے جاتے |
| ان کے قدموں میں گزارے ہوئے دن یاد آئیں |
| اتنا آساں تو نہیں ہے کہ بِسرتے جاتے |
| ہم تو خورشید کی مانند جیا کرتے ہیں |
| ڈوب جائیں بھی تو ہیں اور ابھرتے جاتے |
| طارق انجام جو دیکھا کئی فرعونوں کا |
| منہ کی کھاتے ہوئے ، ناکام ہیں مرتے جاتے |
معلومات