| پیغام دے مدینہ مَکہ میں حاضری کا |
| آقا سے ڈھنگ سیکھیں آدابِ بندگی کا |
| گر اٹھ رہی ہیں من میں نورِ نبی سے کرنیں |
| رستہ دکھائیں گی یہ جنت میں زندگی کا |
| اُن کے ہیں بعد سارے اولیٰ خدا نبی سے |
| کہہ دیں گُماں نہ ڈھونڈے اُن کی برابری کا |
| حُبِِّ نبی سے دل پر آیا اگر نہ سایہ |
| بے سود دعویٰ ہے پھر مولا سے دوستی کا |
| اعلیٰ و اَرفَع اے دل آقا کے پیارے درجے |
| رتبہ ہے سب سے اعلیٰ کونین میں نبی کا |
| اُن سا حسیں خدا نے پیدا کہاں کیا ہے |
| حِصّہ ملا ہے جن سے تاروں کو روشنی کا |
| اعلیٰ فضیلتیں ہیں نَعلینِ مُصطفیٰ کی |
| نیچا ہے درجہ جن سے تاجِ سکندری کا |
| بن کر حبیبِ داور آئے نبی جہاں میں |
| کوئی نہیں ٹھکانہ دارین کی خوشی کا |
| قوسین میں بلایا مولا نے دلربا کو |
| دعویٰ بتا کسی کو ایسی مصاحبی کا |
| قادر کریم مولا مالک ہے دو سریٰ کا |
| دلدارِ کبریا ہے درجہ سخی نبی کا |
| جاری زماں ہے محمود سرکار کی عطا سے |
| باڑا ملا ہے جس کو اللہ کے اُس غنی کا |
معلومات