.jpg)
| 1 |
| ہے بوترابی عشق کی مجھ کو طلب |
| دو صدقۂ حسنینؑ، اے شاہِ عربؐ |
| ہے فخر میرا اور ہے یہ میرا شرف |
| "منم غلامِ حضرتِ شاہِ نجفؑ" |
| 2 |
| عدل و خِرد، رب کے اَسد، حیدر لَقَب |
| ثانی نہیں ہے تیرا دَر علم و حَرَب |
| تیری ثنا سے مجھ کو ہے شغل و شَغَف |
| "منم غلامِ حضرتِ شاہِ نجفؑ" |
| 3 |
| مولا علیؑ، مولا نبیؐ، مولا ہے رَب |
| دیدِ علیؑ، دیدِ نبیؐ، جائے ادب |
| یا راز دارِ " لَا اِلٰہ" و "مَن عَرَف" |
| "منم غلامِ حضرتِ شاہِ نجفؑ" |
| 4 |
| نادِ علیؑ، ہمت ملی، تیرِ ہدف |
| آئے علیؑ، مشکل ٹلی، ظلمت کَشَف |
| یہ حیدری نعرہ ہے بانگِ لَا تَخَف |
| "منم غلامِ حضرتِ شاہِ نجفؑ" |
| 5 |
| آنسو ندامت کا ہوں میں، پیرِ سَلَف |
| گوہر بنا دو مجھ کو بھی تم ہو صَدَف |
| مُہرِ ولایت ثبت ہو میری طرف |
| "منم غلامِ حضرتِ شاہِ نجفؑ" |
معلومات