| پھیلا جہاں میں آپؐ کی بعثت کا نور ہے |
| آمد سے امن و خیر ہے، سیرتؐ کا نور ہے |
| سرکارؐ سے ضیا ہے، نبوت کا نور ہے |
| آقاؐ سے معرفت ہے، شریعت کا نور ہے |
| مرکز بنا ہے دین کا یثرب اسی سبب |
| نصرت سے قلب جڑ گئے، ہجرت کا نور ہے |
| سردار انبیاؐ ہیں، حبیبؐ خدا بھی ہیں |
| تنویر مصطفؐی ہے، امامت کا نور ہے |
| شمس الضحیؐ، حضورؐ رسالت مآب ہیں |
| توقیر و افتخار ہے، رحمتؐ کا نور ہے |
| قرآن میں خطاب رفعنا ملا جنہیں |
| رفعت ہے انؐ کی بام پہ، عظمت کا نور ہے |
| شاہ ہدیؐ کی رہبری ناصؔر ہے اک عطا |
| فضل شہ زماںؐ ہے، عنایت کا نور ہے |
معلومات