| کَولیٹرل لَاس/ ضِمْنی زِیاں!!! |
| —— |
| آپ کَہتے ہیں وہ خُود مارے گئے |
| لوگ کَہتے ہیں اُنہیں مارا گیا |
| آپ بھی تو کُچھ بتائیں نا حُضُور |
| خُود مَرے ہیں یا کہ مارے، کون تھے؟ |
| کُچھ خَبر بھی ہے وہ سارے کون تھے؟ |
| آپ بھی تو کُچھ بتائیں نا حُضُور |
| کتنوں کے چِہْرَے تھے مَر کے سُرخرُو؟ |
| اور کتنے مُردہ چِہْرَے زَرد تھے؟ |
| مارے جانے والے آخِر کون تھے؟ |
| کیا وہ سارے لوگ دَہْشَت گَرْد تھے؟ |
| جو نہیں تھے وہ بچارے کون تھے؟ |
| وہ جو اَصْلی مَر گئے وہ کون تھے؟ |
| وہ جو ضِمْنی مَر گئے وہ کون تھے؟ |
| آئے دِن ہوتے ہیں ایسے واقِعات |
| ایسے کیسے خَتْم ہوں گی نَفرَتیں |
| وَقْت وہ سَفّاک مُنصِف ہے کہ جو |
| دَر گُذر کرتا نہیں جو غَفْلَتیں |
| آپ بھی تو کُچھ بتائیں نا حُضُور |
| کُچھ خَبَر بھی ہے کہ اُجْڑے کتنے گَھر؟ |
| کُچھ خَبَر بھی ہے، ہیں کتنے دَر بَہ دَر؟ |
| فِتْنَوں کی تو مَوت ہے عَینِ ثَواب |
| ذَیلیوں کی مَوت ہے پَر کِس کے سَر؟ |
| (مرزا رضی اُلرّحمان) |
معلومات