| جو بھی ہمارے ساتھ تا منزل نہیں رہا |
| وہ شخص اعتبار کے قابل نہیں رہا |
| کِردار کا گِرا وہ نظر سے بھی گر گیا |
| ہے قلبِ کُشتَہ لائقِ محفل نہیں رہا |
| کَیفَر سے فائدہ نہ ہی شکوے سے سُود ہے |
| ذِی حِس ہی جب ہمارا وہ قاتل نہیں رہا |
| حَق بِینِ قوم دیکھ یہاں اَشک بار ہے |
| جب اِمتیازِ ناقص و کامل نہیں رہا |
| کیا مُنہَدِم مجھے یاں غمِ روزگار نے |
| ذِکرِ خدا سے پھر بھی میں غافل نہیں رہا |
| پِھسلا ہے دست سے جو یاں مَفہومِ نیک و بد |
| دیکھو تو کوئی میرے مقابل نہیں رہا |
| ہوتے ہیں دل کے ٹکڑے یہاں پر زبان سے |
| دنیا میں کوئی کام ہی مشکل نہیں رہا |
| تمکینِ زیست کو یہاں درکار تھا جو دل |
| حسانؔ کو وہ دل یہاں حاصل نہیں رہا |
معلومات