| وہ جو سیرت کمال دیتا ہے |
| حُسن بھی بے مثال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُس کا ہلکا سا مسکرا دینا |
| کتنی مُشکِل میں ڈال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میری مشقِ سُخن سے واقف ہے |
| نت نئے جو خیال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ مِلاتا ہے دل کی تاروں کو |
| رابطے کر بحال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اپنی رحمت کے روز ہی سِکّے |
| میری جھولی میں ڈال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی موت ہاتھ میں جس کے |
| سر پہ آئی کو ٹال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اک خوشی کے عوض مجھے یارو |
| کتنے رنج و ملال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شاخ پر مُسکراتے پھولوں کو |
| وہ ہی حسن و جمال دیتا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میری اُلجھن کو دیکھ کر مانی |
| کوئی رستہ نکال دیتا ہے |
معلومات