| بات جب وہ نکل کے عام ہوئی۔۔ |
| شہرِ جاناں میں رام رام ہوئی۔۔ |
| ملتے ہیں طعنے اب جدھر جائیں۔۔ |
| یعنی خوب اپنی دھوم دھام ہوئی۔۔ |
| جرم ہے اپنا کیا کہ یہ دنیا۔۔ |
| قتل کو محوِ انتظام ہوئی۔۔ |
| اس کے دل میں بھی کوئی چاہ نہیں۔۔ |
| قربتِ یار طمع خام ہوئی۔۔ |
| ایک اور کو سلام کہہ آۓ۔۔ |
| ایک اور داستاں تمام ہوئی۔۔ |
| نکلے ہیں جس گلی سے، آج وہاں۔۔ |
| بارشِ رنج تیز گام ہوئی۔۔ |
| اٹھتی ہے چیس، اور شدتِ درد۔۔ |
| دل میں مستغرقِ خرام ہوئی۔۔ |
| گئے ایماں سے کیا بتائیں ہم۔۔ |
| زندگی مے کدے کے نام ہوئی۔۔ |
| بچھڑے ہوئے کبھی نہیں ملتے۔۔ |
| زیبؔ گھر لوٹیے کہ شام ہوئی۔۔ |
معلومات