| مرے وجود پہ نقشِ کہن کے لاشے ہیں |
| مری زبان پہ تشنہ لبی کے افسانے |
| مرے غنیم کو عقل و خِرد کا ہیضہ ہے |
| اسے خبر نہیں کس حال میں ہیں دیوانے |
| مَیں رات ہوں مری تقدیر میں ہے تیرہ شبی |
| کبھی چڑھے گا دِن یا نہیں سحر جانے |
| مَیں بھُوک ہوں ہر اک پیٹ میں چمکتی ہوں |
| مرے شکار ہیں نادار کے صنم خانے |
| مری جوانی پہ دوشیزگی تڑپتی ہے |
| مرے تقاضوں پہ بِکتے ہیں تن کے افسانے |
| نبی کا بیٹا ہوں ابنِ علی ہے نام مرا |
| مرے مقام کو شمر و یزید کیا جانے |
| مجھے مٹانے چلے تھے جہاں سے نام مرا |
| مرے وجود سے آباد ہیں عزا خانے |
| کبھی سکول کی فیسیں کبھی وبالِ شِکَم |
| مری نواؤں کو انجم شناس کیا جانے |
| مَیں حیا ہوں فحاشی سے مجھ کو نفرت ہے |
| مجھے مٹانے کو نکلے ہیں چند دیوانے |
| مری امنگوں میں دوشیزگی مچلتی ہے |
| مری جوانی میں ماؤں کی کوکھ جلتی ہے |
معلومات