| رفاہ قوم کے جزبات پہ مٹا دینا |
| مقام و مرتبہ و توقیر کو کھپا دینا |
| ستم کی وحشتوں میں بے جھجک صدا دینا |
| فریضہ صدق شعاری کا تم نبھا دینا |
| اے نو جواں تری عظمت پہ ناز کرتے ہیں |
| وقار و تمکیں سے تعظیم کا صلہ دینا |
| رواج اہل نظر کا یہی رہا اکثر |
| جواب تلخ تجاہل پہ برملا دینا |
| فضول کاموں سے اعراض کو اہم جانے |
| جو ہیچ و پوچ ہے بر وقت التوا دینا |
| مزاج شوخ سے طالب شکار حسرت ہو |
| عیوب طفل بڑے پیار سے چھپا دینا |
| طریق حفظ و اماں کی لگن ہے گر ناصؔر |
| نظام عدل و مساوات کو ہوا دینا |
معلومات