جس تاب کی جہاں میں جلوہ نمائی ہے |
ہر چیز کبریا نے اس سے بنائی ہے |
اک حسن کا ہیں پرتو ہستی کی رنگ و بو |
کونین اس کی خاطر رب نے سجائی ہے |
ہیں رحمتوں کی زد میں کون و مکان یہ |
فیضِ نبی سے اس کی عقدہ کشائی ہے |
زینت ہو مجلسوں کی یا روپ باغ کا |
رونق جہان بھر کی داتا سے آئی ہے |
تابندہ اس دہر میں رونق ہے چار سو |
جو دانِ مصطفیٰ کی پردہ کشائی ہے |
خاطر نبی کی سب کچھ پیدا کیا گیا |
کوثر کی سوجھ تھوڑی دانش کو آئی ہے |
خُلقِ عظیم رب نے سرکار کو کہا |
ہستی میں خیر اُن سے ہر رنگ لائی ہے |
محمود ہیں خدا کے محبوب مصطفیٰ |
جن کی ادا سدا ہی مولا کو بھائی ہے |
معلومات