| اک تو مظلوم کا لاشہ نہیں دیکھا جاتا |
| اور پھر روز تماشہ نہیں دیکھا جاتا |
| تو تو اک ننھا فرشتہ ہے بھکاری زادے |
| تیرے ہاتھوں میں یہ کاسا نہیں دیکھا جاتا |
| وادئ شام چلے کہہ کے بلال حبشی |
| رنج فرقت ہے مدینہ نہیں دیکھا جاتا |
| گوشت اپنے لیے اوروں کو فضائل کدو |
| معذرت ہم سے یہ خطبہ نہیں دیکھا جاتا |
| جو پرندوں کو بہت قید کیا کرتے تھے |
| اب شجر ان سے بھی تنہا نہیں دیکھا جاتا |
| آؤ میدان میں دشمن کے مقابل آؤ |
| رٹتے رہنا یہ ترانا نہیں دیکھا جاتا |
معلومات