| ناگفتہ کیفیت میں نبھانا کمال ہے |
| طوفاں کے چلتے دیپ جلانا کمال ہے |
| جوش جنوں کو دل میں بسانا کمال ہے |
| "موج غزل کا رنگ سجانا کمال ہے |
| اوروں پہ وقف زندگی رہتی ہے پر مزہ |
| رنجیدگی چھپا کے ہنسانا کمال ہے |
| زیبیدہ کیوں ہو ترک تعلق بھی یار سے |
| روٹھے عزیز من کو منانا کمال ہے |
| مدت چمن کو پھولنے درکار ہے یہاں |
| اجڑا ہوا دیار بسانا کمال ہے |
| باد خزاں میں غنچوں کی ہے شوخی بے بہا |
| طفلاں چمن سے بار اٹھانا کمال ہے |
| اپنے وقار کو کبھی ناصؔر نہ گرنے دے |
| اقدار کا زوال بچانا کمال ہے |
معلومات